नियम
गोपनीयता धोरण
शेवटचा बदल: १३ ऑक्टोबर २०२६
थोडक्यात: आम्हाला तुमच्या माहितीपेक्षा तुमच्या विनोदबुद्धीत जास्त रस आहे. आम्ही फक्त आवश्यक तेवढीच माहिती घेतो, ती विकत नाही, आणि तुम्ही सांगितल्यावर ती काढून टाकतो.
आम्ही काय गोळा करतो
- वृत्तपत्र: तुमचा ईमेल पत्ता, सदस्य झाल्याची वेळ, कोणत्या पानावरून सदस्य झालात, आणि तुम्ही दिलेल्या संमतीचा मजकूर.
- लेखन पाठवताना: नाव किंवा टोपणनाव, ईमेल, लेखनाचा प्रकार, शीर्षक, मजकूर आणि तुम्ही जोडलेली फाइल.
- संपादकीय खाती: संपादकांचं नाव, ईमेल आणि सुरक्षितपणे (scrypt) हॅश केलेला पासवर्ड.
सामान्य वाचकांसाठी आम्ही कोणतंही खातं, लॉगिन किंवा प्रोफाइल बनवत नाही.
का वापरतो
ईमेल फक्त वृत्तपत्र पाठवण्यासाठी. लेखनासोबतची माहिती फक्त संपादकीय वाचन आणि तुमच्याशी त्याबाबत संपर्क साधण्यासाठी. पाठवलेलं लेखन आपोआप प्रकाशित होत नाही; प्रकाशनापूर्वी आम्ही तुमची परवानगी घेऊ.
आम्ही तुमची माहिती विकत नाही, भाड्याने देत नाही आणि जाहिरातदारांसोबत शेअर करत नाही.
कुठे ठेवतो
ही वेबसाइट Vercel वर चालते आणि माहिती Supabase च्या सुरक्षित डेटाबेसमध्ये (मुंबई सर्व्हर) ठेवली जाते. वृत्तपत्र पाठवण्यासाठी आम्ही भविष्यात एखादी ईमेल सेवा वापरल्यास, तिचं नाव इथे नोंदवलं जाईल.
न निवडलेलं लेखन आणि त्यासोबतच्या फाइल्स आम्ही साधारण बारा महिन्यांनंतर काढून टाकतो.
तुमचे हक्क
तुमची कोणती माहिती आमच्याकडे आहे, हे जाणून घेण्याचा, ती दुरुस्त करण्याचा किंवा काढून टाकण्याचा तुम्हाला हक्क आहे. संपर्क पानावरून कळवा; आम्ही वाजवी वेळेत उत्तर देऊ.